معلقة البيتنجان
أسود سواد الليل والزلف أخضر...... ......... واللمعة جن روغان والريحة عنبر
غلطان إذا ظنيت بالشتا ننساك ............ ....... رسمك ثبت بالعين والطاوة وياك
بالحمس بالتركيب بالمركة شفناك ............ ......... . موتت كل الناس من بعد فركاك
كذاب كلمن كال متفيد ؛مغثوث ........... يمنشط المصران يمصبغ التووث
بالدهن من غطيت نشفته كله............ ..... سعر الدهن يا ناس سوالي عله
يروح السمج والبيض واللحم فدوة ............ ......... .. لعيون بيتنجان بس وه يسوه
أسود بعيون الناس بعيوني تبني............ .... واحد من أهل البيت حسبتك إبني
هم طرشي هم تكلاه هم شيخ محشي ....... مثل الذهب يا ناس بالسوك يمشي
يالتحجي عالروغان تستاهل إعدام............ . لو فاركته العين ما تكدر تنام
أسود سواد الليل بس كلبه أبيض......... أدري الطماطة تفيد بس إنت أفرض
لو وجبة ما ألكاك صدكني أمرض............ من كثر اللي بيك سويته معرض
زاير بيوت الناس والبيت بيته........... لو بيدي يا هالناس ما كشريته
لو تحجي يا هالناس هالمعدة كالت............ .... جيبولي بيتنجان الفركة طالت
كطعت ورد البيت وزرعتك إنت ............ .حيرني لغز البيك وما فهمته
دار الزمان ودار وبقيت إنت............ ......... والباقي يا هالناس خلوها سكته
كلبك صخر جلمود يالكشريته مو جنت............ ......... تبجي دموع من فاركيته
لو يصعد الدولار هم هذا أزدد............ ... حسبالك الدولار النفط الأسود
شكد حاول العدوان يفرض حصاره ما يدري............ ... وحش الليل سواله جارة
يالدزك الرحمن للناس رحمة........... أتخيلك باليل بالطاوة لحمة
بكد ما بليت الناس من الله يبلاك........... إبتعد عني روح أرجوك يا*بلاك*
ما أظن انا بيوم أكدر أعوفك............ .. لوما كتلني الجوع ما جنت أشوفك
العظم أسود صار وحتى الخلية ............ .. من سمع بيتنجان بالصيدلية
يومية ناخذ *دوز* شو صار إدمان .......... إتعوت عليه وهسه اني ندمان
القرحة بالأمعاء والمعدة *ألسر*........... .... ماي العمى للعين والكلب*كانسر*
وكافي بعد ياناس ما أكدر أحجي........ لو شفت بتنجان هاليوم أبجي
الأربعاء يونيو 18, 2008 2:12 am
