الفرق بين الاعزب والمتزوج

هلووووووووووووووووو
شلونكم يا احباب
خلي نشوف الفرق بين الاعزب والخاطب والمتزوج


الاعزب :
على مستوى الماده :
حجته الدراسة في طلب الفلوس

على مستوى اللبس :جينز واخرموديل الموضه

على مستوى الموبايل:
الموبايل اخر موديل حتى لو ما يعرف لكل المميزات يلي بيه .وطبعا ماكو عندة رصيد بموبايله .يصير بيه رصيد بس اذا راد يحجي وية الكلب مالة . طبعا اذا وية الكلب ماعندة رصيد لعد شوكت يصير عندة

على مستوى السهر :
يسهر مع اصدقائه يتأخر بالليل طبيعي جدا.المطرب المفضل :هيفا ونانسي وعلاء سعد وحسام الرسام , ويسمع كثيرعزابي ضلك عزابي احسنلك ضلك عزابي .

على مستوى المنتدى :نشيط بالردود ويا عيني لو بنية انطتة مجال شوية نشيط جدا,ومتواجد دائما .


الخاطب
الخاطب على مستوى الماده :كله رايح مكياج, لبس, هدايا, الخ الخ الخ للخطيبه .

على مستوى اللبس :رسمي كثير والقميص وحتى ربطه العنق لازم تكون مكويه مظبوطةعند مقابلة ا
الخطيبه .والعطر لازم يكون من الاصلي والغالي ايضا .

على مستوى الموبايل :
يحول موبايله فاتورة على طول مكالمات محصورة الىالخطيبه . يسوي تخفيض على خط واحد يلي هو خط الخطيبه اذا كان عنده اشغال واعمال يشيل موبايل ثاني .واحد يكون للخطيبه حتى لا تتصل عليه وتلاكيه مشغول ومن بعدها مصيبه توكع على راسه وراس الي جابوه .

على مستوى السهر:12
ساعه عند الخطيبه كحد ادنى . يحاول يكون تعبان عند ما يريد يروح من عند بيتهم لكي تقول له الوقت متأخر وانت تعبان نام هنا وهذا يلي يريدة وكاتل روحة عليه.معرفة تامه بكل لمنتزهات العائليه.زيارة دائمه وتعاقد دائم مع محلات العطور واللبس والمطاعم العائليه ومحلات الهدايا .اذا كان بالليل لوحده تفكير دائم بالمصيبه التي حلت على راساهله

.المطرب المفضل :
كاظم الساهر،ذكرى , عبد الحليم , بيكره اغنية اخذ الحلقة وطلقني ومن عذابك ريحني

.على مستوى المنتدى
تواجد قليل ومايقدر يجامل اي بنت . وخصوصا في اول فترة خطوبه مشاركات قليله ولو جينا على مستوى الكلام اول ما يسمع اسم الخطيبه كلبه يطلع من مكانهة من كثر الخفقان





.المتزوج :
هجمان بيوت وكع على راسة ( الله يكون بعونة )

على مستوى الماده :
كله رايح للاولاد والزوجه والبيت )بس حفاضات الاطفال وحليبهم هجمان بيوت )

على مستوى الموبايل
لرنه المتوفرة عنده مليت انا مليت من الدنياالرصيد فقط لكي يستطيع ان يعمل مسج او مسكوتقليل دائم من المكالمات شكل لموبايل غير مهم اطلاقا

.على مستوى السهر :
يسهر من وين ياحسرة ؟؟اولا ماكو وقت وتعبان على طول وثانيااالحكومه بالبيت والسين والجيم راح يشتغل وشيخلصة المسكين احسن طريقة الهيج حالة هية بالمختصر المفيد يضربهة ساعتين نوم احسن اله

المطرب المفضل :
فريد الاطرش , ام كلثوم ويحاول يسمع كدام زوجتة فقط ويسمعها مرتي حلوه متل الفل يا سبحان الي خلقها لملحم بركات من الخوف شيسوي

على مستوى المنتدى
يحاول المشاركه في المنتدى بعيدا عن وجود الزوجه .دائما في ردوده يغني انا عايش ومش عايش ومش قادر على بعدك .توقيعه في المنتدى يكون عبارة عن انسان كادح .يدخل المنتدى حتى يرتاح من هموم الدنيا

انشاء الله عجبكم
تحياتي