[طبعاً تعرفون انه اكو هوايه اوامر للـــ (run) بس اكو امر كلش حلو ومن خلاله قد تتلافون اجراء فورمات للكومبيوتر وبصراحة آني اسويه بين فترة وفترة للمحمول بس هوه عادي حتى بالحاسبات العادية يصير لأنه من خلال هذا الأمر الدوس مال الحاسبة تسوي بحث عن ملفات الويندوز المضروبة والناقصة والممسوحة من خلال الاستخدام اليومي وبعد البحث راح يقوم بنسخ هاي الملفات والفايلات من سيدي الويندوز وينصبها مرة ثانية بالحاسبة ولهذا فراح تحتاجون سيدي ويندوز يكون موافق للنسخة الي منصبيها بالحاسبة يعني اذا مثلا جنتوا منصّبين سيرفس باك 2 فلازم تخلون نفس النوع مال الوندوز مو نفس النسخة الي نصبتوها بس نفس النوع .... المهم هسه نجي عالطريقة :
اول شي نخلي سيدي الويندوز بالدرايف وبعدين من راح يشتغل الأوتورن مالته نسويله Esc وبعدين نفتح الــ (run) ونخلي بيه الأمر التالي : sfc /scannow فراح اول شي يفتحلنه صفحة الدوس ويكوم عاد هوه يسوي بحث ونسخ والصاق الى ان تتم العملية إلي تطول عموما من 3 دقائق الى 4 ووراها سوي ريستارت للحاسبة وانطلق بعيداً مع حاسبتك الي راح تكدر تعتبرها انه سويتلها فورمات من غير ان تمسح او تشيل اي فايل واتمنالكم الموفقية واريد اعرف شلون جرت الأمور وياكم وتتدللون ]