اميرة الحب مشرفة
عدد الرسائل : 813 العمر : 32 الموقع : مكان بالدنيا تاريخ التسجيل : 10/03/2008
| موضوع: شعر على بغداد الحبيبة الجمعة مارس 14, 2008 1:13 pm | |
| ياسامعين الصوت
يسألوني
انت شيعي ؟؟ انت سني ؟؟
وين ساكن؟؟
يم الشيخ لو يم ابو النعمان
لو يم ابو الجوادين
وآنه بالحسينيه... بالجامع أدور منهو اليوم طاحوا
طاح أخوي؟...أنذبح خالي ؟...أبن عمي؟
ما أبجي عليهم... أبجي منهم
ياخايبين ضيعتوا الوطن
والوطن غالي أعز من روحي عندي
يسالوني انت شيعي؟ انت سني؟
وآنه للكاظم أبذاك الصوب ازوره
أنامن بالصحن من شمة عطوره
وبكربلا للحسين أتعنه ازوره...
من صغر ظفري وصغر سني
ويسالوني انت شيعي ؟... انت سني؟
آنه بالجوادين بذاك الصوب تباركت وأدفنت أمي
و بشيخ معروف نايم المرحوم ما من يوم وسألني
على امك أنت طالع لو على عمك النام يمّي؟
بالهويه ياخذوني اليوم ويسالوني وين رايح انت سني؟
كلت والله للعباس جدي مِتعنّي أرد أشوفه ...
أسأله العباس سني ؟
كلت متعنّي أشوفن داحي خيبر الكرار أشكيله همّي
أرد أشوفن ويرضى الحسين بكربلا...
وبنفس الوطن ينهدر دمك و دمي؟
آنه ما ادري أصار بيينه ....
آخ وياوسفه الصار بيينه
الله واكبرسووهه بيينه
ياوسفه ونجحت خططهم
ياوسفه اللي طاحوا بالجوامع بالحسينيات اليوم
ذوله أولاد خالي ...أولاد عمّي
ياهالوادم من الصوبين أتفلش وطنّه
يهالوادم وصلت النار بحجرنه وأحتركنه
ياسامعين الصوت الجاي منهم أكثر من اليوم بحزنّه
ياسامعين الصوت كافي
أنت شيعي؟....أنت سني؟
ياخوي الوطن من الصوبين طايح
ياخوي من طائفية الشردتنه وطشّرت دمك ودمي
ياعراقي أصحى تره أتفلش بلدنا ..
ياخويَ احتركنه ما بقى بالوطن غيرالجنايز...
على الصوبين يمّك ويمّي
ياخويَ الاجنبي وج النار بيينه
ياخويَ وفرحان بذبحنه منّا بيينه...
ماله شغله يتفرج علينه...
أمجتف أبيده ويغنّي
ويسألوني أنت شيعي؟... أنت سني؟
ياخويَ ودير بالك
فلشوا الجامع الجنت بي وياك أصلّي
كالوا الشيعي علكها ...
والحسينيه فجّروهه...
وكالوا الفجّرهه سنّي
ياخوي وآنه للحسن والهادي أضمه....
من زمان انام وياه بالصحن من صغر سنّي
آنه افجره وصدّكت والائمه تاج راسي...
بعد ابوي وبعد أمي
وصدّكت تطيني اِيديَّ....
ومن زمان أنت تشيل همّي
ياخوي وصدكت لو نسيت أحنه بثورة العشرين أيد وحده ...
وبيهه أنخبط دمك بدمي
ياخوي شبيك وكافي عاد
العراقي باللبن فتّح
ُأهُم اللي شعلوهه وكالوا....
هذا شيعي.... وهذا سني
************ ** | |
|
سلطان الغرام المدير العام
عدد الرسائل : 2031 العمر : 56 الموقع : العراق / الموصل علم الدولة : تاريخ التسجيل : 03/12/2007
| موضوع: رد: شعر على بغداد الحبيبة الجمعة مارس 14, 2008 8:01 pm | |
| تسلمين اميرة وعاشت ايدك على الموضوع الرائع
ودمتي بخير | |
|
اميرة الحب مشرفة
عدد الرسائل : 813 العمر : 32 الموقع : مكان بالدنيا تاريخ التسجيل : 10/03/2008
| موضوع: رد: شعر على بغداد الحبيبة السبت مارس 22, 2008 12:56 pm | |
| | |
|
المايسترو عضو
عدد الرسائل : 48 العمر : 39 الموقع : العراق تاريخ التسجيل : 02/05/2008
| موضوع: رد: شعر على بغداد الحبيبة الأحد مايو 04, 2008 1:45 am | |
| عاشت يمينج على الشعر الي يجمع الشمل العراقي ويوحد العراقيين كلهم والله اميرة لو كلهة مثلج مصير حروب بئي مكان تقبلي مروري المايسترو | |
|
اميرة الحب مشرفة
عدد الرسائل : 813 العمر : 32 الموقع : مكان بالدنيا تاريخ التسجيل : 10/03/2008
| موضوع: رد: شعر على بغداد الحبيبة الجمعة مايو 09, 2008 11:44 am | |
| ههههههههههههه مشكور مايسترو لردك الجميل الف شكر الك لمرورك الرائع | |
|
بنت الرافدين مشرفة
عدد الرسائل : 1451 العمر : 30 الموقع : بغداد\العراق علم الدولة : تاريخ التسجيل : 27/02/2008
| موضوع: رد: شعر على بغداد الحبيبة السبت مايو 10, 2008 10:20 pm | |
| مشكورة اميرة على الشعر الجميل عاشت ايدج تقبلي مروري بنت الرافدين | |
|
اميرة الحب مشرفة
عدد الرسائل : 813 العمر : 32 الموقع : مكان بالدنيا تاريخ التسجيل : 10/03/2008
| موضوع: رد: شعر على بغداد الحبيبة الأحد مايو 11, 2008 1:48 pm | |
| مشكورة لمرورج بنت الرافدين | |
|