ملكة بغداد مشرفة
عدد الرسائل : 1153 العمر : 30 الموقع : الاردن علم الدولة : تاريخ التسجيل : 23/01/2008
| موضوع: شعركي سيدتي تعالي واستفادي السبت يونيو 28, 2008 11:28 am | |
| الله يساعدجن يا بنات
شلونجن
شلون شعرجن؟
اليوم رح اسولفلجن عن الشعر مالتكم وشلون تعتنون بي
لأن مثل ميكول ابو المثل الشعر تاج راس البنيه والبنيه بليه شعر مثل الديج بليه عرف (عرف لو كرايب هع)
المهم هسه عزيزتي, عانستي,سيدتي , زميلتي, بت شعبتي , بنت كليتي ,بت خالة امي , بت عمتي , بت عمة ام مرت خالهه لجيراننه لازم ثم لازم
تعتنين بشعرج لأن اخاف عليج انه
لأن شعرج هو جمالج , و هو املج , و مستقبلج و حلم حياتج , و ,.. و ...و وووو...
المهم أكو طريقتين للعنايه بالشعر هي:
-الطريقة الصعبة:
ا-استعمال الشامبو الصحيح :يعني اهتمي بنوعية الشامبو اللي تستعمليه كون فد شي غالي ..ابو الخمس تالاف و فوك ..لان اذا اقل يعني شعرج قيمته قليلة عندج ..راح ينقهر شعرج و يتأذى و نفسيته تتعب ..و يقرر الرحيل ..و يبدي يهجرج على شكل خصلات توكع من راسج على فجأة ...
-الحمام الزيتي: حتى تغذيه, لو بس بيج خير تغذين روحج؟؟؟
..هذا تاج راسج اذا راح منين تجيبين تاج راس بعد؟!!؟؟
فتصيرين كالديج بلا عرف
ج-المي الزين:ترة مينه تلف..من هسة اكللجياهه ..اشتري بطالة فرات و غسلي شعرج بيهه ..فدوة الفلوس الج و لجمالج عيني ..واحد جم مرة يعيش..و شكو بيهه اذا شربو الجهال من الحنفية و تمرضوا..الاعمار بيد الله
د-المشط: رحمة لوالديج شعرج كاتل احد من عشيرتج؟؟ ..ليش تكفشيه كفش من تمشطين؟؟..يا عيني عله كيفج ..ادري الجهال متعبيج و كهرباء ماكو و ابو الجهال يريد عشه..بس مشطي شعرج لخاطر الله ..مشطي شعرج خللي تصير بيج شوفة
ه-القراصة و الطاك: اهم شي ..الفرك و القراصة ام الوردة و ام الريشة .. و الطاك اللي هلكبره ..اللللللللللللله عبالك معركة القادسيه الاولى
2-الطريقة السهلة:
اولا:عوفي شعرج براحته . .ينمو و يتكنفش بجميع الاتجاهات ..و لا تشيلين همه..و اتبعي موضة الكفشة التاريخية اللي دتتبعه ميريام فارس و فرقة ميتاليكا الطاكة ..و من يسألوج كولي :مودة ..و موتي من الحر وية طفية الكهرباء وهم استفادي تجاريا وبيعي المخلوقات الفضائيه الي رح تنمو بي
ثانيا:شيلي شعرج كله..زينيه صفر مثل العسكرية ايام سردويس الخامس وخلصي منه و من ضيمه ..و خلي راسج يشم هوة و يشوف دنيه ..و من يسالوج كولي: كرعة و اخبل شحال لو عندي شعر
وهاهيه خلصنه حلقتنه مال برنامج لكي سيدتي
ســلام ملطووووووووووووووووووش | |
|
ملكة بغداد مشرفة
عدد الرسائل : 1153 العمر : 30 الموقع : الاردن علم الدولة : تاريخ التسجيل : 23/01/2008
| |
ريم البوادي مشرفة
عدد الرسائل : 538 العمر : 37 الموقع : العراق علم الدولة : تاريخ التسجيل : 04/03/2008
| موضوع: رد: شعركي سيدتي تعالي واستفادي السبت يوليو 05, 2008 1:00 am | |
| ههههههههههههههههههههههه ههههههههههههههههههههههههههههههههههههههه روووووووووووووووووعه تسلميننننننننننننننننننننننننننن والله كل اهلي ضحكتيهم | |
|
ملكة بغداد مشرفة
عدد الرسائل : 1153 العمر : 30 الموقع : الاردن علم الدولة : تاريخ التسجيل : 23/01/2008
| موضوع: رد: شعركي سيدتي تعالي واستفادي السبت يوليو 05, 2008 10:35 am | |
| ههههههههههههههههههههههههههه ان شاء الله دوم فرحانة يارب منورة حبي مشكورة على المرور | |
|