احلى شعر شعبي عراقي

احلى ابوذيات عراقيه

رمادي

طلع بليل لابسلي رمادي

يلوگ الكحل بعيونه رمادي

سألته منين گلي من الرمادي

كبيسي والمصايب لفن ليه

******

ومرة

علي سولكم يه ومرة

الحياة اخلافكم علگم ومرة

توفون العهد مرة ومرة

تخلفونه وتشب نيران بيا

******

ومرهم

يا طارش خذ مراسيلي ومرهم

على الي صنت عشرتهم ومرهم

اني المعرفت مگصدهم ومرهم

احبهم بالعكس يجفون بيا

******

ينشال

عليا سام دهر اللوم ينشال

وما ضل عدل بالميزان ينشال

اگله لحم اخوك البين ينشال

يگلي الوكت شرعه محلليه

*****

بيهن

عيوني كل بشر ما شوف بيهن

ولا شوف الضوه من بعيد بيهن

بعد ما ضل امل ياناس بيهن

ولا چارة تصير وتشفي هيا

******

ولا جر

وگفت لا دفع تمشي ولا جر

ولا خال بعد ينفع ولا جار

القت لو حارب ابن اّدم وراه جار

مثل حرب السباع بالبريه

******

تحياتي الكم

ان شاء الله تنال اعجابكم

عشوووق