هلي بية درو كمت اني احبك ودرو بس انتة تلفت الي انتباهي
هلي يدرون من تزاعل وياي اضل اصرخ رحمتك ياالهـــــي
هلي نشدوني عنك وكلت بالروح ونشدوني عل روحي وكلت ماهي
وانتة هواي متغير هل الايام والي براسك حجوا اني عرفتهم
نفسهم همة اجو وتقربولي دكوباب كلبي واطردتهم ليـــــــــش
لان تقديرك انتة فوق عل الراس احطهم وين انة لو قدرتهم
انتة ماتجي بس اني اشوف وهمة شكد اجوبس ما شفتهم
لجل حالك انة بهذلت حالي وحالي يكول يلة المهم حال
ودلالك زاد زيدلي اذيتي واذيتي جمالة هم تحب دلالك
ياشابع نوم والله قراية قاريك مدري شمالني ومدري شمالك
كالولك قبل عندي علاقات غيرك عاشق هواية اسامي
عشكت غيرك نعم بس تدري شلون عشكتهم مو صدك واني باحلامي
واني عندي قصد حبيت غيرك حتى امتلك خبرة في غرامي
صار اسنين احضر واقرء لهواك وصار اسنين احضر في كلامي
لان ميصير احبك مثل غيرك وانة الضامك لاخر ايامي
انة الحبيتهم جانو بروفات حتى انتة تضل مسك لختامي
عليك اطوطحت صاحي مو سكران وانة اول محب سكران صاحي
ودوام اهل المدارس وكت واحد ودوامك بالكلب عصري وصباحي
((((((((((((((((((((مع اجمل تحياتــــــــــــــي))))))))))))))))))))
((((((((((حســـــــــــــــــــــام الدليمــــــــــــــــــــــي))))))))))))